Германија и платила на Русија 9,1 милијарди евра за нафта и гас од почетокот на инвазијата

78

Независна група истражувачи објави дека Германија била најголемиот купувач на руска енергија во првите два месеци од руската инвазија на Украина, пишува Sky News.

Студијата објавена од Центарот за истражување на енергија и чист воздух проценува дека Русија продала фосилни горива во вредност од 62,64 милијарди евра од 24 февруари, кога ја започна инвазијата на Украина.

Користејќи податоци за движењето на танкери, следење на протокот на гас во реално време и проценки засновани на историски податоци, истражувачите процениле дека Германија и платила на Русија околу 9,1 милијарди евра од инвазијата за испорака на фосилни горива во првите два месеци од војната.

Германската влада соопшти дека нема да ги коментира проценките и одби да даде свои бројки.