Германската економија излезе од рецесија

56

Германската економија оствари кревок раст оваа пролет, по техничката рецесија во два зимски квартали, проценува Бундесбанк во новиот месечен извештај.

„Се чини дека приватната потрошувачка е стабилизирана“, се вели во извештајот на германската централна банка во понеделникот. „За тоа придонесе добрата состојба на пазарот на труд, силниот раст на платите и фактот што темпото на поскапување не се зголеми дополнително, пренесува Бизнис.рс.

Од ова особено профитираше услужниот сектор во кварталот април-јуни, јави ДПА.

Во зимскиот семестар економијата западна во рецесија, односно забележа два последователни квартали со пад на бруто домашниот производ. Клучен фактор за рецесијата беше силната инфлација, која ја намали потрошувачката на домаќинствата и ја оптоваруваше економијата. Покрај тоа, извозно ориентираната индустрија во Германија се соочи со пад на побарувачката од странство.

Истражувањата укажуваат на мрачно расположение во економијата и песимизам во очекувањата, па Бундесбанката предупредува дека економијата би можела да закрепне побавно во втората половина од годината од претходно проценето.

Во јунскиот извештај, централната банка всушност предвиде „тежок“, кревок раст во втората половина од годината, недоволно за да ја турне економијата во црно до крајот на годината. Затоа, германската економија крајот на 2023 година ќе ја дочека со рецесија од 0,3 отсто, но во следните две години ќе биде во суфицит.

Како позитивно, Бундесбанк го издвојува натамошното олабавување на тесните грла во светската трговија и натамошното пополнување на книгите за нарачки за германската индустрија и градежништво.