Германските пратеници во вторникот го одобрија историскиот пакет уставни реформи што ќе ослободи стотици милијарди евра ново, рекордно задолжување за зајакнување на исцрпената војска и застарената инфраструктура на земјата, пишува Politico.
Долниот дом на германскиот парламент, Бундестагот, поддржа неколку амандмани на уставот на земјата кои ќе им овозможат на идните федерални и државни влади да позајмуваат повеќе.
За амандманите гласаа 513 пратеници, а против 207 За планираната реформа беше потребно двотретинско мнозинство (489 гласови), јавува ДВ.
Измените се направени со гласовите на ЦДУ/ЦСУ, СПД и Зелените, кои начелно се согласија со предлозите минатата недела.
Законот сега оди во Горниот дом на парламентот, Бундесратот, каде гласањето е закажано за в петок.