Германските извозници поминаа неочекувано добро на почетокот на вториот квартал, но економистите ова го опишуваат како трошка надеж, а не како знак за економски пресврт.
Имено, априлскиот извоз се зголеми од 130,4 милијарди евра на плус 1,2 отсто во однос на март и пристигна по три прилично безживотни месеци, објави во понеделникот заводот за статистика. Истовремено, според прелиминарните податоци, увозот е намален за 1,7 отсто, на 112 милијарди евра.
Поживиот извоз во април ги изненади економистите, кои сè уште се внимателни во прогнозите поради слабоста на глобалната економија.
„Надворешната трговија е далеку од пресврт“, рече Фолкер Трејер од Германската индустриска и трговска комора. „Слабите бројки од март и претходните месеци не можат да се компензираат.
Забавувањето на светската економија е тежок предизвик за германската извозно ориентирана економија. Инфлацијата е жешка со месеци, каматните стапки растат на многу пазари, а побарувачката е сè поограничена.
Поради тоа, мрачни се и очекувањата на извозниците за наредните месеци, рече Трејер, оценувајќи дека извозот на светскиот пазар во влошени услови тешко може да биде генератор на економски раст.
„Германскиот извоз е позитивен благодарение на подобрата економска ситуација во Кина и САД, но веќе не можеме да очекуваме значително подобрување од таму“, рече Дирк Џандура, претседател на Здружението за надворешна и големопродажба и услуги.
Покрај тоа, инфлацијата го диктира растот на цените, па бројките „изгледаат подобро отколку што навистина се“, додаде Џандура.
Најзначајни пазари за Германија во април беа САД, каде се потрошени 13,1 милијарди евра, односно плус 4,7 отсто, а особено Кина, каде стоката отиде за 8,5 милијарди евра, односно 10,1 отсто повеќе од март.
Германската економија падна во рецесија, делумно поради воздржаноста на домашните потрошувачи во услови на силна инфлација. Бруто домашниот производ беше во минус во последниот квартал од 2022 година и првиот квартал од 2023 година.
Со ова формално започна таканаречената техничка рецесија на германската економија.