Врвните претставници на германската бизнис заедница бараат помалку рестриктивни правила за имиграција како начин да се реши зголемениот недостиг на квалификувани работници во земјата.
„Имаме големи тешкотии со развојот на компаниите во Германија, бидејќи едноставно ни недостасуваат квалификувани работници“, изјави претседателот на Здружението на германските индустриски и стопански комори (ДИХК) Петер Адријан, пренесува Seebiz повикувајќи се на ДПА.
Главниот адвокат на Германската конфедерација на претприемачи, Холгер Шванеке, рече дека само во неговиот сектор моментално има околу 250.000 слободни работни места.
„Итно ни требаат квалификувани работници и мораме да ги регрутираме првенствено преку домашна обука и користење на сите домашни потенцијали, но и преку имиграција на квалификувана работна сила“, рече Шванек.
„Сè уште има многу пречки на патот на имиграцијата на квалификувана работна сила. Потребно е долго време за визи, консултантите се преоптоварени. Исто така, не ни помага тоа што немаме навика да пречекуваме странски работници“, вели Адријан.
