Германските „Зелени“: Новите американски санкции се неприфатливи дури и за противниците на Северен тек 2

62

Германската партија Алијанса 90 / Зелени, која досега се противеше на реализацијата на проектот Северен тек 2 и најверојатно ќе влезе во идната влада, ги смета за неприфатливи новите американски санкции против гасоводот.

„Новите американски санкции се неприфатливи дури и за противниците на Северен тек 2, изјави за Ројтерс експертот за надворешна политика на „Зелените“ Омид Нурипур .

Тој гасовод е и ќе остане погрешна германска одлука, но не е американска одлука, додаде тој.

„Ние, Зелените, кои отсекогаш се боревме против гасоводот, не можеме да разбереме кон какво пријателство се стремат ако наметнуваат санкции на пријателите кога работат со трета страна“, посочи Нурипур.

Зелените досега немаат дадено такви изјави.

Американскиот државен секретар Ентони Блинкен претходно изјави дека САД најавиле дека ќе воведат санкции за два брода и една руска компанија вклучени во изградбата на проектот за гасоводот Северен тек 2.

Во вторникот на веб-страницата на американското Министерство за финансии беше објавено дека САД вовеле санкции против компанијата Трансадриа и бродот Марлин, кои се поврзани со проектот Северен тек 2.