Годишната инфлација во Бугарија, според прелиминарна „кратка“ проценка, се зголеми во септември од августовските 5,1 проценти на 5,6 проценти, според извештајот објавен од Бугарскиот национален институт за статистика.
Забрзување на инфлацијата е забележано кај храната и безалкохолните пијалоци, каде што цените се зголемија за 1,4 проценти на годишна основа, од 0,8 проценти во август, како и во транспортот, каде што растот се забрза од 21,5 проценти на 25,6 проценти.
Во информатичко-комуникацискиот сектор, растот се забрза од 1,5 проценти на 1,6 проценти, а во рекреацијата, спортот и културата од 7,6 проценти на 8,2 проценти, додека трошоците за домување и комунални услуги се зголемија од 5,1 процент на 5,4 проценти.
