Годишната стапка на инфлација во август изнесува 4,7 отсто во земјите на Организацијата за економска соработка и развој (ОЕЦД), која е намалена од 5,4 отсто во јули.
„Падот во голема мера беше поттикнат од падот на турската инфлација од околу десет процентни поени, која сепак остана над 50 отсто“, се вели во соопштението на ОЕЦД објавено во четвртокот.
Организацијата соопшти дека 24 од 38 земји на ОЕЦД забележале пад на инфлацијата, јавува Anadolu Agency.
„Инфлацијата се зголеми во девет земји на ОЕЦД и беше стабилна или главно стабилна во пет“, се додава.
Во земјите од Г7, инфлацијата на годишна основа се намали на 2,4 отсто во август од 2,7 отсто во јули, што е последица на пониските цени на енергијата.
Во еврозоната годишната инфлација во август падна на 2,2 отсто од 2,6 отсто во јули, а во Г-20 годишната инфлација падна на 6,3 отсто во август од 6,8 отсто во јули.
