Швајцарската годишна инфлација падна повеќе од очекуваното во април поради пониските трошоци за гориво, покажаа податоците објавени во петокот. Сепак е сè уште повисокa од целта на централната банка.
Потрошувачките цени се зголемија за 2,6 отсто на годишно ниво минатиот месец, во однос на 2,9 отсто во март, што претставува 14-ти последователен месец кога зголемувањето на цените го надмина целниот опсег на Швајцарската национална банка (SNB) од нула до два отсто.
Аналитичарите анкетирани од Ројтерс очекуваа просечната годишна инфлација да падне на 2,8 отсто.
Годишната базична инфлација, која ги исклучува нестабилните ставки како гориво и храна, беше 2,2 отсто, непроменета во однос на март.
Цената на нафтените деривати падна за 12,1 отсто на годишно ниво, значително ублажувајќи го основниот ефект од наглото зголемување на цените по руската инвазија на Украина во февруари 2022 година.
Иако е многу пониска отколку во многу други земји, од кои многу бележат двоцифрен раст на цените, вкупната инфлација во Швајцарија остана над целниот опсег на централната банка од февруари 2022 година.