Во Црна Гора цените на производите и услугите за лична потрошувачка, мерени преку индексот на потрошувачките цени, во мај 2023 година во однос на април 2023 година се во просек за 0,5% повисоки. Потрошувачките цени во мај 2023 година, во однос на истиот месец од претходната година, се во просек повисоки за 8,4%, покажуваат податоците на Монстат.
Најголемо влијание врз месечната стапка на инфлација имаше порастот на цените во следните групи: услуги за сместување; месо; облека; други уреди, предмети и производи за лична нега; услуги за одржување и поправка на станови; чевли и други обувки; овошје; краткорочни добра за рутинско одржување на домаќинството.
Потрошувачките цени во периодот јануари-мај 2023 година, во однос на истиот период од претходната година, се во просек повисоки за 11,7%.