Очекувањата на инвеститорите во врска со ситуацијата во Германија се во пораст, покажуваат резултатите од анкетата објавена денес од Центарот за европски економски истражувања „Лајбниц“ (ZEW) од Манхајм за мај.
Вредноста на индикаторот што ги мери економските очекувања за иднината на Германија се зголеми за дури 39,2 поени месечно, од минус 14 поени на плус 25,2 поени, што е далеку над очекувањата на аналитичарите кои прогнозираа раст до плус 11,9 поени.
„Очекувањата се подобруваат. Во мај, индексот ZEW значително се зголеми, делумно надоместувајќи ги загубите од априлската анкета. Формирањето на новата федерална влада, напредокот во царинските спорови и стабилизирачката стапка на инфлација придонесуваат за зголемен оптимизам“, коментираше претседателот на ZEW, професор Ахим Вамбах.