Еден од најдобрите начини за заштита на сметките преку Интернет е да користите верификација во двa чекори (2FA). Идејата зад ова е дека ако некој хакер некогаш го погоди корисничкото име и лозинката на корисникот, тој не може да се логира на сметката на корисникот, освен ако нема пристап до нивниот телефон. Тоа е дополнителен чекор, кој може да биде иритирачки за некого, но дополнително ја штити корисничката сметка.
Google во голема мера ја направи оваа опција незадолжителна за корисниците, но компанијата сега објави дека ќе додаде уште 150 милиони дополнителни корисници на Google во програмата до крајот на годината. Ова значи дека „Потврдата во 2 чекора“ на Google стандардно ќе се активира за овие корисници, што значи дека ќе треба да ја користат.
„Бидејќи знаеме дека најдобриот начин да ги заштитиме нашите корисници е да ја овозможиме стандардно безбедноста, почнавме автоматски да ги конфигурираме сметките на нашите корисници. До крајот на 2021 година, планираме автоматски да вклучи дополнителни 150 милиони корисници на Google во 2FA и ќе бараме од 2 милиони креатори на YouTube да ја овозможат оваа функција“, соопштија од компанијата.
Google посочува дека иако 2FA системите се безбедни, тие не се најсоодветен и најзгоден начин за заштита, така што компанијата работи на начини за да обезбеди алтернативни решенија за најавување во иднина што ќе ја намалат зависноста од лозинки.
