Google Trends открива што навистина стана „ново нормално“ во пандемијата

16

Axios, Google Trends и Schema Design работеа заедно на проектот The New Normal. Нивната цел беше да ги анализираат производите што Американците ги барале на Google од 2020 година, односно од почетокот на пандемијата. Се обидоа да откријат за кои производи интересот постојано расте, за кои потребата траела кратко и за кои производи побарувачката не се променила и покрај ситуацијата.

Работата од дома ги крои трендовите

Трендот на работа од дома ги одбележа последните две години, па не е чудно што во тоа време имаше повеќе пребарувања за податоци за компјутери и компјутерски периферни уреди, факс машини, скенери, монитори и принтери.

Се чини дека производите за убавина и нега на тело стануваат сè попопуларни, па се почесто се „гуглаат“ информациите за нега на ноктите, кожата и косата, но и масажите и удобната долна облека.

Со пофлексибилно работно време и подолг престој во стан или куќа, повеќе се бараа и податоците поврзани со уредувањето на домот и одржувањето на автомобилот; луѓето покажаа многу поголем интерес за автомобилски делови и електрични алати и организацијата и украсувањето на домот и градината на Интернет.

Зголемен е и интересот за нови активности и начини за пополнување на вишокот слободно време. Термините што се бараат многу почесто отколку пред пандемијата вклучуваат возење ролери и разни игри со карти. Тоа важи и за правењето коктели, кои покрај термините како „текила“, „ракија“ или „ликер“ спаѓаат во категоријата „нова нормала“.

Сезонски хитови

Друга група на изрази за пребарување доживеа големи скокови на одредени точки за време на пандемијата, но интересот за нив ќе опадне по некое време.

Тие го вклучуваат недостатокот на тоалетна хартија во 2020 година и времето кога тогашниот американски претседател Трамп им предложи на граѓаните употреба на белило во борбата против Ковид.

Од друга страна, пандемијата имаше мало влијание врз опсегот на пребарување за многу секојдневни производи, како што се јајца, храна за кучиња, кафе или сол.

„Податоците за трендот навистина ни даваат искрен увид за тоа што се грижат луѓето – и како нашите животи се променија за време на пандемијата“, рече Сајмон Роџерс од Google Trends.

И од 5.000 првично анализирани термини, беа издвоени 300 клучни зборови кои покажаа јасна шема и најдобро опишуваат што ни се случило од појавата на Ковид.