Грчката влада планира преку Грчката народна банка да издаде посебна картичка за околу 150.000 граѓани, кои ќе може да ја користат за купување на храна во рамки на новата програма за помош на сиромашните зад која стои Министерството за труд, пишува порталот Ekathimerini.com.
Договорот за издавање и управување со картичката за купување на храна, кој е спонзориран од страна на државата, беше потпишан од заемодавачите и ресорното министерство.
Грчкиот министер за труд, Панос Скурлетис, го поздрави договорот како клучен чекор во спроведување на владината кампања за борба против последиците од кризата.
