Групацијата Прада денес објави дека по шест месеци чекање за регулаторно одобрување, го купила Версаче, договор вреден 1,25 милијарди долари.
Извршен претседател на куќата ќе биде Лоренцо Бертели, наследник на групацијата Прада и раководител на корпоративната општествена одговорност, пишува Вог.
Аквизицијата на модната куќа Версаче се случи во април оваа година, откако компанијата се соочи со сериозни финансиски тешкотии во последните пет години.
Во јануари, италијанскиот дневен весник „Ил Соле 24 Оре“ прв ја објави веста дека групацијата Прада ја разгледува можноста за преземање на „Версаче“. Во февруари, групацијата потврди дека започнала сеопфатна анализа на брендот и дека разгледува конкретна понуда. Веќе во март, според извештајот на „Бизнис оф мода“, била договорена прелиминарна цена од речиси 1,5 милијарди евра, или околу 1,6 милијарди долари. Сега кога аквизицијата е официјално завршена, останува да се види колку успешно „Версаче“ ќе се вклопи во тесно поврзаното и внимателно управувано семејство на брендови на групацијата Прада.