Модната куќа Gucci создаде галерија за NFT уметност Vault Art Space заедно со дигиталниот маркетплејс SuperRare. На првата изложба се претставени дела инспирирани од историјата на модната куќа. Тие можат да се купат на онлајн аукции.
Корисниците можат да „шетаат“ низ галеријата и да ги прегледаат достапните NFT современи уметници. Доколку сакаат, можат дури и да купат дел од делата со поврзување на нивниот криптопаричник со платформата и учество во онлајн аукции, дознаваме од официјалната веб-страница на Gucci.
Валутата означена како почетна вредност на токените, е етер.
Според Никол Удино, извршен потпретседател на Gucci, создавањето на проектот е иницирано и надгледувано од креативниот директор на модната куќа – Алесандро Микеле.
Дебитантската онлајн изложба, насловена „Следните 100 години на Gucci“, прикажува NFT уметнички дела, секое инспирирано од „наследството на Gucci“.
Само на првата изложба учествуваа 29 уметници.
Откривајќи го наследството на модната куќа од различни перспективи, галеријата Vault Art Space прикажува колекционерски фрагменти од калеидоскопската историја на Gucci кои можат да се купат на онлајн аукции, изјавија претставници на компанијата.
