Гувернерот на Банката на Франција, Франсоа Вилероа де Гало, во петокот стави зелена капа со пораката на англиски јазик „Make Europe Great Again“ (Да ја направиме Европа повторно голема), адаптирајќи го слоганот на американскиот претседател Доналд Трамп, за време на дебатата за европскиот суверенитет што се одржа во францускиот град Екс-ан-Прованс.
„Станува збор за ставање на Европа на прво место, па дури и ќе кажам Европа на главата. Затоа ќе носам нешто што не е толку гувернерски, ве предупредувам однапред“, рече Вилероа де Гало, пренесува Бета.
Потоа гувернерот стави капа на главата, како што прави Трамп на многу митинзи, носејќи црвена капа со слоганот „Да ја направиме Америка повторно голема“.
„Ветив дека ќе носам капа, но не ветувам дека ќе ја задржам затоа што е топло, но ќе ја видите пораката“, додаде францускиот гувернер, наведувајќи дека ја позајмил од пријател.
Фрагментирана индустриска политика, високи трошоци за енергија, бирократија, заостанување во дигиталните технологии – Европската Унија заостанува зад САД, чија одлука за зголемување на царините влијае и на нејзините економски перспективи.
„Трамп очигледно е нешто многу неповолно за глобалната, американската и европската економија, но тоа е повик за будење за нас“, рече гувернерот на Банката на Франција.
Според него, со оглед на тоа што се случува со новата американска администрација, „се очекува монетарната Европа и можноста за поголема меѓународна улога на еврото“.