Пандемијата на коронавирусот ја намали побарувачката за нови автомобили во Европа за една третина во првите осум месеци од годинава, додека во Хрватска е речиси преполовена, покажуваат податоците на здружението на производители АЦЕА (European Automobile Manufacturers’ Association – ACEA).
Во периодот од јануари до август, регистрирани се вкупно 6,12 милиони нови автомобили во 26 земји на ЕУ (со исклучок на Малта), 32 % помалку отколку во првите осум месеци од 2019 година.
Побарувачката на нови автомобили падна на сите четири водечки европски пазари, најмногу во Шпанија и Италија, за 40,6, односно 38,9 %. Следува Франција со пад на бројот на регистрирани нови автомобили за 38,9 %, и Германија каде потона за 28,8 %.
Според податоците на АЦЕА, во Хрватска се регистрирани 25.151 нови автомобили во периодот од јануари до август, што претставува пад од 47,9 % во споредба со истиот период минатата година, најголем меѓу земјите на ЕУ.
Во Полска регистрирани се 251 илјади нови автомобили, 31,6 % помалку отколку во истиот период минатата година.
Само во август побарувачката на нови автомобили во 26 земји на ЕУ паднала за 18,9%, со регистрирани само 769.525 нови автомобили. Тој пад е подлабок отколку во јули кога падна за 5,7%, со регистрирани малку повеќе од милион нови автомобили.
Фото: Pixabay