Платформата „Ало инспекторе“ која во петокот организираше масовен бојкот на продавниците најави нов собир на граѓани со иста цел.
Новиот бојкот е закажан за петок, 31 јануари, а деталите ќе бидат соопштени денеска во симболично време – во 11:55 часот.
Платформата „Ало инспекторе“ која во петокот организираше масовен бојкот на продавниците најави нов собир на граѓани со иста цел. Новиот бојкот е закажан за петок, 31 јануари, а деталите ќе бидат соопштени денеска во симболично време – 11:55 часот.
Јосип Келемен, советник на оваа платформа, откри дека веќе пријавиле една група на Фејсбук во корпорацијата Мета. Според него, групата неовластено го презела нивниот визуелен идентитет, име и содржина на нивните објави. Дополнително, тој најави дека целиот случај ќе биде пријавен до надлежните институции – полицијата и Државното правобранителство на Република Хрватска (ДОРХ), пренесува ХРТ.
„Конечната одлука на граѓаните ќе ја дознаеме утре. Затоа решивме да ги презентираме сите релевантни информации меѓу 5 и 12. Важно е да се истакне дека нашата платформа постои повеќе од пет и пол години, во кои постигнавме забележителни резултати во образованието, информирањето и заштитата на потрошувачите.
Ние не сме политички поврзани ниту сме политички ангажирани. „Ало, инспекторе“ е единствената официјална платформа која ги застапува интересите на граѓаните и комуницира во врска со бојкотот на продавниците. „Силно ги отфрламе обидите да се создаде неред и конфузија што се шират од одредени поединци и организации“, нагласи Келемен.