Просечната месечна нето плата (со вклучени додатоци) во Хрватска во првиот квартал од 2025 година изнесува 1.474 евра нето, што е девет отсто повеќе во однос на претходниот квартал и дури 16 отсто повеќе од истиот период лани, покажуваат податоците на услугата MojaPlaća со која управува Алма Кариер Хрватска.
Во однос на претходниот квартал, просечната плата е зголемена за девет отсто, додека во однос на првиот квартал од минатата година е забележана раст од 14 отсто.
Генерално, највисоки плати имаат вработените во ИТ, телекомуникацискиот и информатичкиот сектор, каде приходите во просек се повисоки за 15 отсто. Од друга страна, најниски плати, 11 отсто под просекот, се забележани во земјоделството.
Ако се споредат податоците со првиот квартал од 2024 година, најголем раст на платите од 30 отсто е забележан во секторите: уметност, забава и спорт и образование и наука, каде што изнесува 23 отсто.
Од друга страна, платите во земјоделските компании пораснале за само шест отсто во однос на истиот период лани.
Освен во раководните позиции, каде што просечните плати се двојно поголеми од вкупниот просек и надминуваат 3.000 евра, најдобро платените работници се наоѓаат во секторите технологија и развој и информатичка технологија.