Даночната управа при хрватското министерство за финансии соопшти дека на местата погодени со поплавите нема да ги санкционира граѓаните кои не се придржуваат до Законот за фискализација.
“Согласно со потешкотиите предизвикани од поплавите во последните неколку дена, ги информираме даночните обврзници дека Министерството за финансии – Даночната управа, нема да презема законски мерки поради прекршочни постапки за неизвршување на Законот за фискализација во промет со готовина, кај даночни обврзници во подрачја на градови и општини каде поплавите предизвикаа неможност за редовно функционирање”, стои во соопштението, пренесуваат хрватските медиуми.