„Жито груп“, во сопственост на хрватскиот бизнисмен Марко Пипуниќ, заврши два големи проекти со вкупна вредност од 46 милиони евра – специјална болница и хотел во Чепин во Славонија.
Финансирањето на овие проекти го обезбеди Пипуниќ, кој го нарекуваат и „Крал на житото“ и е еден од најголемите играчи во земјоделскиот и прехранбениот сектор во Хрватска.
Со овој чекор напред, бидејќи проектите беа дизајнирани заедно со конгресниот туризам, Пипуниќ сака зад себе да остави нешто потрајно, пишува Пословни дневник.
Приватната специјална болница на 6.500 метри квадратни е планирана како меѓународен медицински центар со водечки стручњаци од пластична, естетска и реконструктивна хирургија како и урологија, офталмологија, ортопедија и други области. Ќе вработи стотина претежно здравствени работници. Хотелот со сместувачки капацитет од 61 единица, 4 ѕвезди, ќе биде особено препознатлив по велнес просторот од 1500 метри квадратни.
Кој е Марко Пипуниќ?
Марко Пипуниќ е на 35. место на Недељник листата на најбогати луѓе во регионот, со богатство проценето на речиси 700 милиони евра. Тој во 1992 година ја основа Жито Груп како трговска компанија и многу брзо тој и неговиот партнер заработија многу пари.
Тие првенствено тргуваа со земјоделски култури и суровини, а потоа во 1994 година компанијата влезе во агробизнисот кога беа изградени силос и мелница за пченица во Велика Копаница.
Од 2000 година, преку превземања и инвестиции, компанијата го прошири своето работење на производство на месо, земјоделски култури, но и угостителство и туризам.
Првиот милион на 29
Првиот милион Пипуниќ го заработи на 29 години.
„Парите се ѓавол“. Акумулацијата не треба да се троши на хедонизам, туку на лоши години“, рече тој еднаш. Една од работите што е специфична за него е тоа што има навика да бара список со најдобрите студенти од три факултети во Осиек и веднаш да им понуди работа.
„Не сакам јавноста да создава лажна слика за мене за моите деца, дека таткото е некој тајкун и дека е поголем и поспособен од другите. „Тато е само човек кој сака да биде успешен во својот бизнис“, изјави еднаш Пипуниќ.