Новиот телефон на Huawei, Mate X, за кратко беше пуштен на продажба во Кина.
Уредот се продаваше по цена од 16.999 јуани (2.424 долари) на онлајн продавницата на компанијата, и според нив, истиот се продал за само неколку минути, пишува BBC.
Фановите на брендот кои не успеале да купат Mate X, ќе имаат уште една шанса на 22-ри ноември, кога ќе биде пуштена втората серија.
Според Huawei, секој што ќе купи еден од овие телефони ќе добие 50% попуст на сите поправки или замени на екранот.
Mate X, којшто е со 5G технологија, има големина на екран од 8 инчи кога е отворен. Кога е склопен има два екрани со големина од 6,8 односно, 6,6 инчи.
Од Huawei не даваат точен број на продадени телефони, а за достапност во други земји освен Кина, од компанијата велат дека и тоа ќе се случи “во еден момент“.
Фото: Facebook
