Меѓународната агенција за енергетика (ИЕА) денеска во својот ноемвриски месечен извештај прогнозираше дека понудата на нафта на светскиот пазар во 2025 година ќе ја надмине побарувачката за еден милион барели дневно (bpd).
Според извештаите, вишокот ќе се случи дури и ако земјите од картелот ОПЕК + продолжат со доброволни ограничувања на производството на нафта, пренесува Ројтерс.
Агенцијата со седиште во Париз верува дека растот на побарувачката на нафта следната година ќе изнесува 990.000 барели дневно, додека земјите кои не се членки на ОПЕК плус ќе произведуваат 1,5 милиони барели дневно и на тој начин ќе создадат суфицит.
