Популарната шведска продавница за мебел Икеа инвестира две милијарди евра во своето работење во САД. Така, САД би можеле да ја симнат Германија од тронот и да станат најголемиот пазар на Икеа во светот. Но, тоа не значи дека Икеа нема намера да се шири во Европа.
Икеа има многу храбар пристап кон својата политика за проширување. Шведскиот производител на мебел со години ги проширува своите операции на глобално ниво, а сега во своето портфолио додава осум нови продавници во САД, а планот е да отвори девет нови помали филијали.
Тоа е најголемата инвестиција на Икеа во една земја во историјата, тешка две милијарди долари. САД во моментов се втор најголем продажен пазар за оваа компанија, по Германија, пренесува tportal.
Зошто сега? Икеа во САД сака да го искористи слободниот простор на пазарот што се отвори откако големите трговски синџири Walmart или онлајн продавницата за мебел Wayfair претрпеа големи загуби поради лошиот бизнис.
Голем дел од нив го намалија бројот на вработени, а некои филијали се затвораат. Икеа сега сака да ја пополни таа дупка на пазарот. Со новите филијали вкупниот број на продавници во САД се зголеми за една третина, а минатата година Икеа на тој пазар сврте над 5,5 милијарди евра, пишува Tagesschau.
Икеа до сега главно се фокусираше на Европа. Германија и натаму е најголемиот пазар со 54 филијали, но се очекува американскиот пазар да го надмине германскиот пазар во следните неколку години. Но, тоа не значи дека Европа нема да продолжи да биде важен дел од стратегијата на Швеѓаните. Се очекуваат големи инвестиции и во Шпанија.
Фото: Facebook
