Компаниите масовно ги зголемуваат цените во последните неколку години, наведувајќи ги немилосрдните прекини на синџирот на снабдување од пандемијата Ковид-19, геополитичките тензии и руската војна во Украина.
Сега, нападите на Хутите го попречуваат комерцијалниот превоз во Црвеното Море и предизвикуваат нови стравови од нов напад на инфлација, исто како што растот на цените е намален од децениските високи нивоа.
Но, Џеспер Бродин, извршниот директор на Групацијата Ингка во понеделникот за Ројтерс изјави дека ценовните притисоци се намалија, па затоа се држи до планираните намалувања на цените оваа година, дури и со проблемите со транспортот на Црвеното Море.
Говорејќи за Ројтерс на Светскиот економски форум во Давос, Швајцарија, Бродин открива дека има значајно намалување на цените на материјалите на големо, па затоа компанијата може да ги намали цените на своите производи. Според него, со оглед на тоа што потрошувачите се соочуваат со финансиски проблеми, ова не е година за оптимизација на профит.
– Ова е година во која ќе се обидеме да работиме со помал профит за да ги поддржиме луѓето – вели Бродин.
ИКЕА ги зголеми цените во 2022 година, но почна да ги намалува кон крајот на 2023 година, иако тие сѐ уште не се на нивото од пред пандемијата.
