Извршниот директор на Tesla, Илон Маск предупреди дека акциите на компанијата се прескапи, но тоа не го спречи производителот на автомобили да ги реализира своите спектакуларни профити.
Имено, компанијата Tesla посочи дека ќе има продажба вредна до пет милијарди долари во дополнителни акции, што е второ вакво соопштение за неколку месеци.
Акциите на Tesla скокнаа за 677% оваа година, а Маск уште во мај објави дека цената на акциите на Тesla, според него, е “превисока“.
За разлика од претходните периоди, на Теsla сега не ѝ требаат очајно пари. На крајот на септември тие имаа на располагање 14,5 милијарди долари, повеќе од двојно во однос на почетокот на годината.
Наместо тоа, продажбата на акции се чини дека е обид да се претвори профитот од хартија во вистински пари, со оглед на тоа што проценката на компанијата достигна 600 милијарди долари за прв пат оваа недела, пишува CNN.
“Веруваме дека ова е паметен потег во вистинско време за Musk & Co“, рече аналитичарот Даниел Ајвс.
На крајот на краиштата, Тесла има низа големи трошоци. Нови погони се градат во Германија и околу Остин, Тексас. Покрај тоа, во тек е работа за лансирање на камион и полу-трактор.
Маск во вторникот откри дека тој навистина се преселил од Калифорнија во Тексас, велејќи дека верува оти државата Калифорнија започнала да ги зема своите иноватори здраво за готово. Исто така, треба да се има предвид дека Тексас не наплатува данок на приход на државата или данок на капитална добивка за физички лица, што е потенцијален благодет за вториот најбогат човек на светот.
Фото: Facebook
