Луксузниот имот на познатиот холивудски актер Ричард Гир се продава за неверојатни 47,5 милиони долари.
Вилата се наоѓа во престижниот Хемптон, на мала оддалеченост од Њујорк. Интересен е податокот дека истата е изградена во далечната 1902 година и токму поради тоа претрпела голем број реновирања и проширувања.
Денес овој префинет имот којшто се состои од три одвоен парцели се простира на површина од 6,3 хектари, има свое приватно пристаниште и тениски терен.
Главната вила има формална дневна соба и трпезарија, гурманска кујна, простории за опуштање и забава и голем број на камини.
На имотот се наоѓаат и две куќи за гости со вкупно 12 спални соби и 12 бањи, неколку гаражи, сала за вежбање, терен за кошарка, базен со топла вода и камени градини.
