Германските индустриски компании сè повеќе го префрлаат производството во странство. Доминантен мотив се производствените трошоци, соопшти Германската индустриска и трговска комора (ДИХК).
Цитирајќи го сопственото истражување, ДИХК вели дека 35 отсто од компаниите донеле таква одлука поради високите цени во земјата – највисоки од финансиската криза во 2008 година.
„Заминувањето на компаниите поради скапата енергија, парализираната бирократија и растечкото даночно оптоварување испраќа опасен сигнал“, рече членот на извршниот одбор на ДИХК, Фолкер Трејер.
Студијата е објавена во време кога германските демохристијани и социјалдемократи почнуваат да ја подготвуваат програмата на претстојната коалициска влада.
Во подготвителната фаза на преговорите, двете страни се согласија да се олесни економијата со намалување на даноците за струја барем до европскиот просек, како и да се намали бирократијата.
Претседателот на ДИХК, Питер Адријан, тогаш изјави дека „на економијата и треба повеќе слобода, помалку трошоци и поефикасна администрација“.
„Потребен ни е пресврт“, рече сега Трејер. „Германија ја губи инвестициската трка.
Странските инвестиции во Германија долго време првенствено служат за обезбедување влез на домашниот пазар. Овој мотив е сè уште актуелен, но со 30 проценти е на долгорочниот просек.