Инфлацијата во еврозоната се искачи на рекордно високо ниво од 9,1% во август, потврди заводот за статистика на ЕУ Еуростат претходното читање во петокот, истакнувајќи дека најверојатно се движи кон двоцифрена.
Податоците покажаа дека инфлацијата на потрошувачките цени во 19-те земји кои користат евро се зголеми за 0,6% месечно и за 9,1% на годишно ниво, што е највисока стапка од создавањето на валутата во 1999 година.
Според Евростат, 3,95 процентни поени од промената на годишно ниво потекнуваат од поскапата енергија и 2,25 поени од храната, алкохолот и тутунот. Ако се исклучат нестабилните цени на енергијата и непреработената храна, цените и понатаму се за 5,5% повисоки од претходната година, во однос на 5,1% во јули.
Минатата недела, Европската централна банка, чија основна цел на инфлацијата е 2%, ги зголеми клучните каматни стапки за невидени 75 базични поени и вети дополнителни зголемувања за борба против инфлацијата додека економијата на еврозоната се лизга кон рецесија.
