Инфлацијата во Русија продолжува да ја надминува целната вредност од четири проценти, но се намалува побрзо од очекуваното, што отвора простор за намалување на каматната стапка, изјави гувернерката на Банката на Русија, Елвира Набиулина.
„Сите индикатори сигнализираат забавување на економската активност, а тензијата на пазарот на трудот се намалува, иако дефицитот на работна сила е сè уште присутен“, изјави Набиулина на финансискиот конгрес на Руската централна банка.
Во јуни, Банката на Русија ги изненади повеќето аналитичари кога ја намали референтната каматна стапка за прв пат од септември 2022 година, од 21 на 20 проценти.