Integral House се наоѓа во Торонто, Канада и моментално се продава за 28 милиони долари. Претходниот сопственик Џејмс Стјуарт, математичар по професија, очигледно сакал да даде свој личен печат на целиот дизајн на куќата. За таа цел го ангажирал архитектонското студио Shim-Sutcliffe Architects, а тимот одлично си ја завршил својата задача.
Integral House како доминантен мотив ја има кривата линија, што може да се забележи на сите ѕидови. Кривите се изработени од дабово дрво, а за да биде проектот реализиран, се работело цели десет години.
Во централниот дел на куќата се наоѓа грандиозна дневна соба со балкон и заоблени стаклени ѕидови. Пред и зад куќата има голем простор совршен за приредување на забави на отворено.
Градбата се простира на пет различни нивоа, а зафаќа површина од 1.800 метри квадратни. Располага со четири спални соби на горните катови, базен, сала за вежбање и сауна.
