Интел ќе инвестира повеќе од 7 милијарди долари во изградба на нова фабрика за чипови во Малезија, изјави извршниот директор Пет Гелсинџер.
Се очекува новата фабрика во Малезија да започне со производство во 2024 година. Инвестицијата од 7,10 милијарди долари се очекува да отвори над 4.000 работни места во Интел и повеќе од 5.000 работни места во градежништвото во земјата.
„Овој потфат е навремен со оглед на високата глобална побарувачка поттикната од недостигот на чипови и потенцијалните предизвици кои произлегуваат од глобалното закрепнување на пандемијата “, рече малезискиот министер за меѓународна трговија и индустрија Мохамед Азмин Али.
Глобалниот недостиг на полупроводници, т.е. чипови, делумно предизвикан од побарувачката за електроника предизвикана од пандемијата и прекини во синџирот на снабдување, доведе до намалено производство и доцнење во испораката на паметни телефони и автомобили.
