Цените на златото забележаа благ раст во петок и се на пат кон трета последователна неделна добивка, поддржани од послабиот долар и потегот на американското Министерство за финансии за откуп на обврзници.
Спот цената на златото порасна за 0,4% на 4.537,41 долари за унца до 05:04 часот по Гринич, откако во претходната сесија го достигна највисокото ниво од почетокот на јуни. Цените се зголемија за 3,6% досега оваа недела. Американските фјучерси за злато пораснаа за 0,5% на 4.593,90 долари.
Уште позначително движење има кај среброто. Неговата цена достигна околу 69 долари за унца, со дневен раст од 1,43 отсто.
Податоците покажуваат дека благородните метали продолжуваат да привлекуваат внимание од инвеститорите, особено во услови на неизвесност на глобалните финансиски пазари.
Златото во последниот период има забележителен раст. Во споредба со пред 30 дена, цената е повисока за повеќе од 465 долари, што претставува зголемување од околу 11,5 отсто.
Растот на цената на благородните метали е важен и за инвеститорите кои ги користат златото и среброто како начин за диверзификација и заштита на вредноста на капиталот во периоди на поголема пазарна неизвесност.