Поради растот на геополитичките тензии, на валутните пазари, вредноста на доларот во однос на кошничката валути падна, по растот од минатата недела.
Индексот на доларот, кој ја покажува вредноста на американскиот долар во однос на другите шест најважни светски валути, се лизна утрово за 0,24 проценти, на 99,15 поени.
Во исто време, курсот на доларот во однос на јапонската валута се лизна за 0,13 проценти, на 157,90 јени.
Американската валута исто така ослабе во споредба со европската, па цената на еврото се зголеми за 0,25 проценти, на 1,1625 долари.
Цените на нафтата, од друга страна, не бележат поголеми промени. На лондонскиот пазар, цената на барелот се намали утрово за 0,05 проценти, на 64,10 долари, додека на американскиот пазар, цената на барелот се намали за 0,04 проценти, на 59,40 долари.
Рекордни цени на златото и среброто
И поради неизвесноста на финансиските пазари, инвеститорите бараат побезбедни засолништа за својот капитал, па затоа се свртеа кон купување скапоцени метали.
Цената на златото утрово се зголеми за 1,5 проценти на рекордни 4.665 долари за унца, додека цената на среброто се зголеми за 3,3 проценти на рекордни 92,93 долари за унца.