Нафтата расте, златото и пченицата паѓаат
Европските берзански индекси денес се во благ пораст, цените на златото и пченицата паднаа со истовремен пораст на цените на нафтата, додека инвеститорите очекуваат прелиминарни податоци за мајската инфлација во Еврозоната, кои ќе бидат објавени во 11:00 часот.
Аналитичарите прогнозираат дека инфлацијата ќе падне на два проценти, што би бил дополнителен аргумент за Европската централна банка да ги намали каматните стапки за 25 базични поени на состанокот за монетарната политика во четврток, објавува CNN.
Дополнително, инвеститорите ќе го следат развојот на трговските преговори на Соединетите Американски Држави со Кина и Европската Унија.
Американскиот претседател Доналд Трамп неодамна се закани дека ќе ги удвои царините за увоз на челик и алуминиум на 50 проценти, што ја натера Европската Унија да ја предупреди Белата куќа за можни контрамерки.
Денес во 9:15 часот, индексот DAX на Франкфуртската берза порасна за 0,23 проценти на 24.008,53 поени, лондонскиот FTSE 100 за 0,28 проценти на 8.798,20 поени, францускиот CAC 40 за 0,25 проценти на 7.749,96 поени, додека московскиот MOEX падна за 0,65 проценти на 2.811,33 поени.
Вредноста на американскиот берзански индекс Dow Jones порасна за 0,08 проценти на 42.305,48 поени, индексот S&P 500 за 0,41 процент на 5.935,94 поени, а вредноста на индексот Nasdaq за 0,67 проценти на 19.242,61 поени.
Европските фјучерси за гас за јули беа продадени на отворањето на берзата TTF по цена од 34,895 евра за мегават-час.
Според моменталните податоци од берзата, цената на суровата нафта се искачи на 62.786 долари, а цената на нафтата од типот Брент се искачи на 64.763 долари.
Цената на златото падна на 3.355,28 долари за унца, а цената на пченицата на 5,3492 долари за бушел (еден бушел е еднаков на 27,216 кг).
Вредноста на еврото во однос на доларот на берзата Форекс е 1,14230, што е за 0,16 проценти помалку отколку на почетокот на тргувањето.