Исплашени инвеститори почнаа да повлекуваат милијарди евра

121

Две информации, едната од Америка, а другата од Европа, денеска направија вистински потоп на пазарите ширум светот. Исплашените инвеститори почнаа да повлекуваат милијарди евра од својот имот. Биткоинот падна на најниско ниво во последните 18 месеци, а акциите на технолошките компании, се во дебел минус дури и златото.

Новите податоци за инфлацијата во Америка се очигледно повеќе од загрижувачки, но и толку важни што инвеститорите автоматски реагираа на нивната објава. Најголемата криптовалута во светот по пазарна капитализација утрово падна за дури 8,9 отсто на 24.906 долари, што е најниско ниво од декември 2020 година.

Паднаа и другите криптовалути, па практично целиот пазар е во минус. Етереумот утрово загуби 10 отсто од вредноста, а сериозни загуби бележат и акциите на многу технолошки компании. Apple изгуби 4 отсто од вредноста, Тесла три, Мајкрософт 5…

Во минус е и златото, кое, инаку, важи за безбедно засолниште и мека за инвестирање кога инфлацијата е дива.

Клучната причина се новите податоци за инфлацијата во Америка, што укажува дека не била полоша во последните 40 години. Масло на огнот долеаа и информациите од Европа. По редовната седница, Европската централна банка објави дека ќе ги намали субвенциите за економијата на еврозоната во јули и ќе ги зголеми клучните каматни стапки за прв пат од 2011 година за да ја ограничи инфлацијата. Поскапувањата во еврозоната, инаку се на рекордни нивоа од околу осум отсто во просек.

Потрошувачките цени во САД се зголемија за 8,6 отсто минатиот месец во однос на 12 месеци порано, што е побрзо од растот од 8,3 отсто во април во однос на истиот период минатата година, соопшти Министерството за труд.

На месечна основа, цените скокнаа за 1 отсто од април до мај, што е голем пораст од 0,3 отсто од март до април. Многу повисоките цени на гасот се виновни за голем дел од ова поскапување.

Високата инфлација, исто така, ги принуди Федералните резерви на она што веројатно ќе биде најбрзата серија на зголемувања на каматните стапки во последните три децении.

Високата американска инфлација врши сериозен притисок врз семејствата, принудувајќи ги да плаќаат многу повеќе за храна, бензин и кирија, и ја намалува нивната способност да си дозволат дискрециони работи, од фризури до електроника. Луѓето со пониски примања се мачат особено затоа што, во просек, најголем дел од нивните приходи оди за потребите.

И Лагард испраќа лоши пораки!

Европската централна банка најави дека ќе ги зголеми каматните стапки за прв пат од 2011 година на состанокот следниот месец. Беше најавено и дека во јули ќе згаснат стимулациите за економиите на еврозоната.

Редовната кризна пандемиска програма за купување обврзници требаше да биде затворена оваа есен, но распоредот беше нарушен поради војната во Украина.

Банката, исто така, соопшти дека има намера да ги зголеми стапките за 25 базични поени и дека ќе ја заврши својата програма за купување обврзници на 1-ви јули.

ЕЦБ ја остави отворена и вратата за поголем пораст во септември, бидејќи се обидува да ја контролира растечката инфлација..

„Гледајќи напред, Управниот совет очекува повторно да ги зголеми клучните каматни стапки на ЕЦБ во септември“, се вели во соопштението на централната банка.

„Високата инфлација е голем предизвик за сите нас“, изјави претседателката на ЕЦБ, Кристин Лагард. „Цените пораснаа и поради обновените тесни грла во понудата и закрепнувањето на домашната побарувачка, особено во услужниот сектор, бидејќи нашата економија повторно се отвора.