Норвешкиот извоз силно се зголеми во јануари 2025 година, како одраз на растот на испораките на природен гас, покажаа податоците од статистиката на Норвешка.
Извозот во првиот месец е поголем за 19,9 отсто во однос на истиот месец лани, а увозот е поголем за еден отсто.
Трговскиот биланс за јануари покажа суфицит од 94,8 милијарди норвешки круни (8,15 милијарди евра), што е за 43 отсто поголем од почетокот на 2024 година.
Најмногу се зголемиле испораките на природен гас на почетокот на годината и тоа за 56,4 отсто во однос на истиот период лани. Извозот на нафта сепак се зголеми за скромни 1,2 отсто.
Без енергија, извозот е зголемен за 6,5 отсто на годишно ниво, а пратките со риба пораснале за 14 отсто, пренесува Хина.
Во однос на ноември, вредноста на норвешкиот извоз во декември е зголемена за пет отсто, додека вредноста на увозот е намалена за 3,7 отсто.
Испораките на нафта се зголемени за осум отсто во однос на ноември, а испораките на гас за 5,1 отсто. Кога ќе се исклучи енергијата, извозот е зголемен за 2,8 отсто на месечно ниво.