Институциите ширум светот, вклучително и банките, медиумските куќи и авиокомпаниите, се најдоа во неволја поради голем технолошки неуспех.
Според досегашните информации, најтешка е ситуацијата во Австралија, каде летовите се приземјени на аеродромот во Сиднеј, касите не работат во супермаркетите, а проблеми со компјутерите пријавиле бројни телевизиски куќи.
Некои аеродроми во Америка исто така мораа да ги одложат или откажат летовите поради технички проблеми.
Според непотврдени информации за ова е виновен Мајкрософт, поточно нивните оперативни системи за работа со компјутери.
Официјалното ажурирање на услугата Microsoft 365 објавено на X претходно истиот ден, вели: „Истражуваме проблем што влијае на способноста на корисниците да пристапат до различни апликации и услуги на Microsoft 365“.
Сепак, портпаролот на Мајкрософт нагласи дека „повеќето услуги се обновени“.
Исто така, во моментов нема информации кои сугерираат дека се работи за хакерски напад или нешто поврзано со сајбер безбедноста.
Како што пренесува Јутарњи.хр очигледно, глобалните технолошки проблеми се случија затоа што производителот на програмата за сајбер безбедност CrowdStrike објави погрешно ажурирање. CrowdStrike е американска технолошка компанија која обезбедува низа безбедносни услуги кои ги штитат корисниците, меѓу другото, од сајбер напади.
Оваа неисправна надградба предизвика бројни сервери и компјутери ширум светот да престанат да работат, односно воопшто не можеа да се вклучат правилно.
CrowdStrike објави дека го идентификувал проблемот и го повлече неисправното ажурирање, но се чини дека тоа не им помогнало на компјутерите веќе погодени од проблемите.
