Италијанскиот извоз значително забави во февруари, со намалени испораки во земјите надвор од Европската унија, објави италијанскиот завод за статистика.
Извозот во февруари е зголемен за само 0,8 отсто во однос на истиот период лани, објави ИСТАТ. Во јануари е зголемен за 2,6 отсто.
Увозот скокна за 4,1 отсто во февруари, објавија статистичарите, но приближно половина повеќе од почетокот на годината.
Испораките во земјите надвор од Европската унија се намалени за 1,6 отсто. Во јануари се зголемени за 3,3 отсто. Извозот во други земји е зголемен во февруари за 3,0 отсто, по растот од 1,9 отсто на почетокот на годината.
Поддршка за извозот е обезбедена со зголемени испораки на фармацевтски, хемиски и ботанички производи и транспортни средства, со исклучок на моторните возила, се вели во соопштението на Заводот за статистика.
Трговскиот биланс за февруари покажа суфицит од 4,47 милијарди евра, со минус во размената со другите земји од ЕУ од 361 милион евра и плус во размената со остатокот од светот од 4,827 милијарди евра.
Во јануари вкупниот трговски биланс покажа минус од 288 милиони евра.
На месечно ниво, извозот во февруари порасна за 3,5 отсто, што е речиси шест пати посилно отколку на почетокот на годината. Увозот е зголемен за 1,7 отсто, приближно половина повеќе од јануари.
Фото: Pixabay