Италија стана најголемиот европски увозник на руска нафта

83

Додека ЕУ се обидува да ја намали својата зависност од руската енергија и разговара за воведување ембарго на руската нафта, на терен се случуваат интересни промени, а Италија толку многу го зголеми увозот на руска сурова нафта што стана најголемиот поморски центар за танкери во Европа.

Податоците објавени од Кплер и пренесени од Фајненшл тајмс покажуваат дека Русија овој месец извезувала 450.000 барели дневно во Италија, што е четири пати повеќе отколку во февруари, а најмногу од 2013 година, а најголем дел од нафтата пристигнала преку сицилијанските пристаништа Аугуста, но и Трст, пренесува Јутарњи лист.