Развојната банка на Северна Македонија доби нов состав на Надзорниот одбор, информира Македонска берза.
Според Решението на Владата од 22 јули 2025 година и согласноста на Народната банка издадена на 10 октомври, за нови членови на Надзорниот одбор на банката се именувани Тања Михајловска Димитриевска, Андриана Матлиоска, Христина Келеман и Александар Ѓорѓиевски.
Нивниот мандат ќе трае четири години, почнувајќи од 14 октомври 2025 година, кога воедно престана и мандатот на досегашните членови на Надзорниот одбор.