Извозот на ЕУ во Русија е намален за 63 отсто во споредба со периодот пред војната во Украина

13

Извозот на Европската унија во Русија падна за 63 отсто во споредба со периодот пред почетокот на војната во Украина во февруари 2022 година, објави денеска Институтот за економски истражувања ИФО од Минхен.
– Обемот на извозот на Европската унија во Русија е сè уште висок бидејќи само 32 отсто од сите производи на ЕУ се предмет на санкции, рече Феодора Тети, заменик директор на Меѓународниот економски центар на ИФО.

Како пример таа наведе дека има санкции за извоз на шампањ од ЕУ во Русија, но не и за извоз на пенливи вина.

Русија увезува многу стоки од Европската унија кои се предмет на санкции преку трети земји, покажуваат проценките од новата база на податоци за санкции на IFO.

Според последните податоци, Русија увезува од Кина 61 отсто од сите производи од Европската унија кои се предмет на санкции, 13 отсто од Турција и околу еден отсто од Ерменија.