Извршниот директор на Амазон, Енди Џеси, одржа брутално искрен говор на интерен состанок на персоналот во вторникот, повикувајќи ги работниците да се здружат додека компанијата поминува низ „вонредно предизвикувачко време“.
Џеси рече дека има многу работа да се направи за да се постигне напредок во постоечките бизниси, новите потфати, тимови и компаниската култура на Амазон. Ќе бидат потребни „многу месеци“, а некои од потезите на компанијата ќе бидат „погрешно разбрани“. Но, тој им вети на вработените дека напредокот што ќе го постигнат ќе го „редефинира“ Амазон и подобро ќе ја позиционира компанијата за во иднина, според снимката од состанокот до која дојде Инсајдер.
„Ова не е работа што ќе трае еден или два месеци, знаете, ние ќе напредуваме, значителен напредок секој месец, но за ова ќе бидат потребни многу месеци и јас сум доста уверен дека ќе бидеме погрешно сфатени и потценети“, рече тој.
„И знаете што, нема да биде прв пат, ниту пак последен. Ако се фокусираме на испорака до клиентите и разбереме, сите ние како сопственици, дека сите ние треба да работиме за да се случи тоа и дека сите поединечно сме дел од решението, јас сум апсолутно убеден дека ќе испорачаме огромна количина на квалитет. Навистина силно чувствувам дека нашите најдобри денови несомнено се пред нас и со нетрпение очекувам тоа да се случи со сите вас“, додаде тој.
Коментарите на Џеси беа одговор на прашање од вработените за намалување на трошоците и инвестициите што Амазон ги прави во последните месеци. Комбинацијата од големото забавување на растот и тешките економски услови доведе до тоа Амазон да отпушти 18.000 луѓе минатиот месец и да стави голем број долгорочни проекти во мирување. Во исто време, Амазон вети дека ќе продолжи да инвестира во области како што се купување намирници, здравствена заштита и лични уреди.
Фото: Facebook
