Извршниот директор на ирската авиокомпанија „Рајанер“, Мајкл О’Лири, ја нарече претседателката на Европската комисија, Урсула фон дер Лајен, „бескорисна“, обвинувајќи ја дека зборува за конкурентноста на Европската Унија, но не прави ништо за да ја подобри, а во исто време бара данок на авиокомпаниите од САД, Кина и други земји што летаат до Европа.
Во интервју за „Еуроњуз“, О’Лири ја критикуваше европската политика за оданочување на емисиите во воздухопловството, истакнувајќи дека постојните еколошки даноци главно се однесуваат на летови во рамките на ЕУ, додека американските, азиските и кинеските компании се во голема мера ослободени.
„Ако сериозно размислувате за конкуренцијата, оданочете ги Американците кога ќе слетаат во Европа“, рече О’Лири, додавајќи дека треба да се воведе „фер и разумен“ данок на секој лет што полетува од Европа или слетува на европските аеродроми.