Технолошката компанија Google создаде интерактивна табла со екран на допир што може да се поврзе преку cloud, пишува Fast Company.
Таблата, што го носи името Jamboard, на корисниците им нуди повеќе опции. По Jamboard може да се црта и пишува, да се додаваат документи, табели, слајдови и фотографии од Google Drive. На интерактивната табла белешки може да оставаат сите присутни во салата каде што се одржуваат состаноците.
Netflix и Spotify се дел од компаниите што во последните неколку месеци ја тестираа бета верзијата од Jamboard. Исто така, тестот го прават околу 30 тимови во Google.
Jamboard може да биде интерактивна и преку мобилна апликација. Во таблата е вградена и HD камера, Wi Fi и звучници.
