Јапонската економија влезе во рецесија во првиот квартал на 2020 година, бидејќи пандемија со Ковид-19 прекина производство, извоз и потрошувачка.
Јапонската влада објави дека бруто домашниот производ паднал во реални услови во периодот јануари – март за 3,4% на годишно ниво, според сезонски прилагодените податоци. На квартално ниво, падот беше 0,9%, пренесува CNBC.
Извозот потона 21,8%, приватните инвестиции во градбата на станови за скоро 17% и потрошувачката на домаќинствата за 3,1%.
Аналитичари очекуваат ситуацијата да се влоши бидејќи, третата по големина светска економија се соочува со најголемиот предизвик од Втората светска војна.
Фото: Pixabay
