Јапонските производители на автомобили Тојота Мотор и Мазда во понеделникот ги прекинаа испораките на некои модели поради фалсификувани информации во безбедносните сертификати, соопшти Министерството за транспорт.
Компаниите доставија неточни или „прилагодени“ податоци за безбедносните тестови, соопшти јапонското Министерство за транспорт.
Неправилности беа откриени и во извештаите од Хонда, Сузуки и Јамаха Мотор, соопшти Министерството, додавајќи дека на Тојота, Мазда и Јамаха им е наредено да ги прекинат испораките на некои возила и дека планираат проверка во седиштето на Тојота во префектурата Аичи.
Компанијата пријави прекршоци во шест процедури за тестирање во 2014, 2015 и 2020 година.