САД имаат намера многу брзо да предложат кандидат за претседател на Светска банка, соопшти денеска американската министерка за финансии Џенет Јелен на маргините на состанокот на Г-20 во Индија.
Извршниот одбор на Светска банка се очекува да избере нов претседател до почетокот на мај, откако минатата недела беше објавено дека Дејвид Малпас ќе се повлече пред крајот на својот мандат, пренесува Ројтерс.
Малпас, чиј петгодишен мандат требаше да трае до април 2024 година, го известил одборот на Светска банка за неговата намера да се повлече до крајот на фискалната година на 30 јуни.
