Американскиот банкарски систем се стабилизира по силните активности на регулаторите, но американската влада би можела дополнително да ги поддржи депозитите во помалите банки доколку е потребно. Тоа е дел од пораката во обраќањето на американската министерка за финансии Џенет Јелен до банкарите во САД во вторникот.
Во подготвените белешки за состанокот на Американското здружение на банкари, видени од Ројтерс, Јелен рече дека владините чекори преземени во последните денови за заштита на неосигурените депозити во две пропаднати банки и за создавање нови капацитети за ликвидноста на Банката на федерални резерви покажаа „силна посветеност да преземе потребните чекори“ за безбедност на штедачите и банкарскиот систем“.
Повеќе од една недела откако Федералната корпорација за осигурување на депозити (FDIC) ги затвори Silicon Valley Bank (SVB) и Signature Bank, Јелен рече дека „одлучувачките и силни“ акции ја зајакнале довербата на јавноста во американскиот банкарски систем.
„Чекорите што ги презедовме не беа насочени кон помагање на одредени банки или класи на банки. Нашата интервенција беше неопходна за да го заштитиме поширокиот американски банкарски систем. И слични дејствија би можеле да бидат оправдани доколку помалите институции трпат депозити кои претставуваат ризик од зараза“ на несолвентност, рече американскиот министер.
Таа рече дека верува оти активностите на FDIC, ФЕД и Министерството за финансии го намалиле ризикот од понатамошни неуспеси на банките што би наметнале загуби на Фондот за осигурување на депозити. Некои банкарски групи повикаа на привремени универзални гаранции за сите депозити во банките во САД, за што ќе биде потребно одобрение од Конгресот.
Фото: Facebook
